Rusiyada vəba iddiaları və İrkutskdakı müəmmalı ölüm

Rusiyanın Sibirya bölgəsində yerləşən İrkutsk Veba ilə Mübarizə İnstitutunda çalışan 28 yaşlı Darya Şipilovanın pnevmoniya səbəbindən vəfat etməsi ölkədə veba epidemiyası şübhələrini gündəmə gətirib. Rusiya rəsmiləri bu iddiaları rədd etsə də, bəzi Rusiya media qurumlarının xəbərləri silməsi və Mərkəzi Asiya ölkələrinin sərhəd nəzarətlərini gücləndirməsi diqqət çəkib.

Minval.info xəbər verir ki, İrkutsk Veba ilə Mübarizə İnstitutunda çalışan Şipilova, 29 sentyabrda ağır pnevmoniya əlamətləri ilə xəstəxanaya yerləşdirilib və 2 oktyabrda həyatını itirib. Rus mətbuatında Şipilovanın laboratoriyada veba etkeni olan bir sınaq tüpünü sındırdığı və bunun nəticəsində xəstələndiyi iddia edilsə də, bu iddia rəsmi mənbələr tərəfindən təsdiqlənməyib.

Rusiyanın İnsan Sağlamlığı və İstehlakçı Hüquqlarını Müdafiə Xidməti (Rospotrebnadzor) Şipilovanın ölüm səbəbini “səbəbi müəyyən edilməyən pnevmoniya” kimi açıqlayıb. Qurumdan bildirilib ki, aparılan tədqiqatlarda xəstədən götürülən nümunələrdə peşə fəaliyyəti ilə əlaqəli hər hansı bir mikroorqanizm aşkarlanmayıb.

İsrail Qəzzadakı gərginliyə görə hazırlıqlarını artırır

ƏLAQƏLİ

Bunu da oxu

İsrail Qəzzadakı gərginliyə görə hazırlıqlarını artırır

06.10.2026 - 16:55

Bununla yanaşı, İrkutsk bölgəsi və İrkutsk, Şelehov şəhərlərindəki sanitar və epidemioloji vəziyyətin sabit olduğu bildirilib. Lakin bölgədəki bəzi xəstəxanalarda karantin tədbirləri həyata keçirilib. İnstitutda çalışan 60-dan çox şəxs də ehtiyat məqsədilə izolyasiyaya alınıb, təxminən 200 nəfər isə Şipilova ilə təmasda olduqları üçün müşahidə altında saxlanılır.

Mərkəzi Asiya ölkələri, xüsusilə Qırğızıstan və Özbəkistan, Rusiyadan gələn şəxslər və nəqliyyat vasitələri üzərindəki sağlamlıq yoxlamalarını gücləndirib. Kazaxıstan isə Rusiyadakı sərhəd keçid məntəqələrində sağlamlıq yoxlamalarını artırıb.

Rusiyada bəzi media qurumlarının İrkutskdakı mümkün veba hadisələri ilə bağlı xəbərləri qısa müddət ərzində silməsi də diqqət çəkib. Kremlin sözçüsü Dmitri Peskov isə İrkutskdakı hadisələrlə bağlı rəsmi açıqlamalara güvənilməsini tövsiyə edib.