80 ildən sonra ABŞ-da bir ilk: Nidal Malik Hasanın edamı təsdiqləndi

ABŞ Prezidenti Donald Tramp, 2009-cu ildə Texasdakı Fort Hud hərbi bazasında 13 nəfəri qətlə yetirmiş keçmiş Ordu Mayoru və psixiatr Nidal Malik Hasanın kurşuna düzülməklə edamını təsdiqləyib. Bu, ABŞ ordusunda 1945-ci ildən bəri bu üsulla həyata keçiriləcək ilk edam olacaq.

Minval.info xəbər verir ki, Pentaqon sözçüsü Şon Parnell, Müdafiə Naziri Pit Hegsethin Hasanın ABŞ Ordusu tərəfindən kurşuna düzülməsini təklif etdiyini və Trampın bu təklifi təsdiqlədiyini açıqlayıb. Parnell, “İnfazın vaxtı və yeri ABŞ Quru Qoşunları Katibi tərəfindən müəyyən ediləcək. Hasanın hesab günü nəhayət gəldi,” ifadələrini işlədib.

Hələlik edamın tarixi və yeri açıqlanmayıb. 5 noyabr 2009-cu ildə Nidal Malik Hasan, Fort Hud bazasında atəş açaraq 13 nəfəri öldürmüş, 32 nəfəri isə yaralamışdı. Həlak olanların 12-si aktiv hərbi qulluqçu, biri isə təqaüdçü əsgər idi. Hadisə zamanı polis tərəfindən vurulan Hasan qismən iflic qalmışdı.

ƏLAQƏLİ

Bunu da oxu

İspaniyada yeni mənzil qərarnamələri qəbul edildi

06.10.2026 - 16:06

Hasan, ABŞ-ın İraq və Əfqanıstandakı hərbi əməliyyatlarına qarşı çıxdığını bildirərək, bu hücumu ABŞ-ın müsəlman dünyasındakı müharibələrinə cavab olaraq həyata keçirdiyini müdafiə etmişdi. Məhkəmə prosesində onun Əl-Qaidə təbliğatçısı Ənvər əl-Avlaki ilə internet üzərindən əlaqə qurduğu da ortaya çıxmışdı.

2013-cü ildə hərbi münsiflər heyəti, Hasanı 13 nəfəri qəsdən öldürmə və 32 nəfəri qəsdən öldürməyə cəhd ittihamları ilə məhkum etmiş və ölüm cəzasına məhkum etmişdi. Hasanın edamı, ABŞ ordusunda 1961-ci ildən bəri həyata keçiriləcək ilk edam olacaq. Sonuncu edam 1961-ci ildə əsgər Con Bennettin asılması ilə gerçəkləşmişdi.