Türkiyədə suriyalılara qəribə qadağa qoyuldu

Türkiyənin Bursa şəhərinin Mudanya bölgəsində suriyalı qaçqınlara sahilə getmək və dənizdə çimmək qadağan edilib.

Axar.az xəbər verir ki, bu barədə Mudanya bələdiyyəsi qərar qəbul edib. Bələdiyyədən verilən açıqlamada Mudanya xalqının narahat olduğuna görə belə bir qərar verildiyi bildirilib.

CHP-çi bələdiyyə sədri Hayri Türkyılmazın Tvitterdə paylaşdığı xəbərdə “Mudanya bələdiyyə sədri suriyalıların işğal etdiyi sahilləri qurtardı” sözləri sosial istifadəçiləri tərəfindən irqçilik kimi qiymətləndirilib.