Türkiyədə beynəlxalq aviareyslər bərpa olunub

Türkiyədə pandemiya ilə bağlı müvəqqəti dayandırılan beynəlxalq aviareyslər iyunun 11-dən bərpa edilib.

AZƏRTAC xəbər verir ki, ilkin mərhələdə reyslər İstanbul və Sabiha Gökçen hava limanlarından Böyük Britaniya, Niderland və Almaniyaya həyata keçirilir.

Hazırda hava limanlarına yalnız bileti olan sərnişinlərin daxil olmasına icazə verilir. Postpandemiya dövründə aeroportlar yeni, sosial məsafə kimi qaydalar çərçivəsində fəaliyyət göstərəcək.

“Türk Hava Yolları”nın (THY) İstanbuldan ilk beynəlxalq aviareysi isə bu gün yerli vaxtla saat 08.20-də Almaniyanın Düsseldorf şəhərinə olub.