Türk əskərlərini şəhid edən İŞİD terrorçusu öldürüldü

2016-cı ildə iki türk əskərini qaçıraraq Suriyada şəhid edən İŞİD terrorçusu öldürülüb.

“Ölkə.Az” xəbər verir ki, “Əbu Talha Əl Turki” kod adı olan Talip Akkurt 7 iyun tarixində YPG qruplaşması ilə silahlı toqquşma nəticəsində öldürülüb.

İngiltərənin “Daily Mail” qəzetinin xəbərinə əsasən, Akkurtun öldüyü toqquşma Deyr-əz-Zorun Hajin qəsəbəsində baş verib. Qəzetin iddiasına əsasən, Türkiyə bu terrorçunun başına 1.5 milyon lirə ( 500 min manatdan çox) pul mükafatı qoymuşdu. İŞİD terrorçusu olan Akkurt Türkiyə daxili işlər nazirliyi tərəfindən axtarışda olan terrorçular siyahısında idi.