Tramp İranda zənginləşdirilmiş uranın 300 kq-ı keçməsinə münasibət bildirib

“İran uranın həddən artıq zənginləşdirilməsi ilə odla oynamış olur”

Minval.info SalamNews-a istinadla xəbər verir ki, bunu ABŞ prezidenti Donald Tramp ötən gün Ağ Evdə keçirilən mərasim zamanı deyib.

Nüvə sazişindən birtərəfli şəkidə çıxan ABŞ prezidenti İranda zənginləşdirilən uranın 300 kq-ı keçməsinə münasibət bildirərək, vurğulayıb ki, İran bu addımı ilə odla oynamış hesab olunur.

Qeyd edək ki, İran nüvə sazişinin öhdəlikləri ilə bağlı 4+1 ölkələrinin kafi addımlar atmadığını bildirib və 2 ay öncə sazişin iki bəndinin icrasını dayandırıb. İran öhdəliklərə lazımi şəkildə əməl edilməzsə cari ayın 7-də nüvə sazişinin daha iki bəndinin icrasını dayandıracağını bildirib. İran, sabiq xəbərdarlıq addımlarına əsasən zənginləşdirilmiş uranın və “ağır su”yun istehsalının artırılacağını, bu məhsulların xaricə göndərilməyəcəyini bildirib. Növbəti addımda isə İran uranın zənginləşdirilməsi faizinin artırılacağını bəyan edib.