Tramp 4 iyulu fərqli keçirdi – parad, atəşfəşanlıq, xalqa müraciət, şou...

ABŞ-ın müstəqillik qazanmasının 243-cü ildönümü ölkə miqyasında müxtəlif tədbirlərlə qeyd olunub.
Musavat.com xəbər verir ki, paytaxt Vaşinqtonda ABŞ prezidenti Donald Trampın istəyi əsasında keçirilən qutlamalarda tankların keçidi ilə yanaşı, hərbi təyyarələrin uçuşu da diqqət çəkib. Tramp 70 il sonra Linkoln abidəsinin qarşısında xalqa müraciət edən ilk prezident olaraq tarixə keçib.

Paytaxt Vaşinqtondakə tədbirlərin gündüz hissəsində ənənəvi olaraq təşkil edilən Müstəqillik Günü qutlamaları keçirilib. Axşam saatlarında “Amerikaya salam” mövzusunda təşkil edilən 4 iyul bayramına prezident Tramp da qatılıb. Günorta saatlarında baş tutan ənənəvi tədbirdə polis, əsgər və kovboyların da iştirakı ilə keçid mərasimi təşkil edilib. Konstitusiya bulvarının iki tərəfində yığışan minlərlə insan keçid mərasimini əllərində bayraqlarla izləyiblər.

Güclü yağışa baxmayaraq, toplanan on minlərlə amerikalı böyük sevinclə tədbirdə iştirak edib. Tədbirə Tramp tərəfindən daxil edilən, ABŞ ordusuna aid tank və təyyarələr də diqqət çəkib. 70 ton ağırlığındakı “Abrams” tankları və istehsalına 1940-cı illərdə son verilən «Şerman” tankları, Linkoln xatirə kompleksinin arxasındakı yolda yerləşdirilmişdi.

ƏLAQƏLİ

Bunu da oxu

Milano küçələrində hərbçilər asayişi təmin edəcək

20.10.2026 - 17:54

Mitqində Ameika tarixindən nümunələr verən və amerikan xalqının dünya tarixində böyük, önəmli bir millət olduğunu deyən Tramp xüsusən də amerikan milliyyətçiliyinin önəmini vurğulayıb. ABŞ ordusunun üzərində də bir neçə dəfə dayanan Tramp ordu mənsublarının fədakarlığına işarə verib.

Trampin nitqi zamanı qırıcı təyyarələr nümayiş uçuşu gerçəkləşdirib. Mərasimin ardınca təxminən 35 dəqiqə davam edən atəşfəşanlıq olub.

ƏLAQƏLİ

Bunu da oxu

Türkiyə və Özbəkistan iqlim dəyişikliyinə qarşı şəhərlərini hazırlayır

20.10.2026 - 17:44

Tədbirin keçirildiyi yerdə Trampa etiraz etmək məqsədilə yığışan yüzə qədər CodePink üzvü olan qadının aksiyası da diqqət çəkib. Onlar Trampı əlində cib telefonu, pampers geyinmiş şəkildə göstərən iri bir şar ilə etiraz ediblər.

Vaşinqton polisinin hellium doldurularaq uçurulmasına icazə vermədiyi iri şar yerə bağlı şəkildə aksiya iştirakçılarının etirazını müşayiət edib. Digər tərəfdən, Ağ Ev qarşısında ABŞ bayrağını yandırmağa çalışan bir etirazçının da həbs olunduğu bildirilib.

ƏLAQƏLİ

Bunu da oxu

Kütləvi iğtişaşlar səbəbindən Milana qoşun yeridilir

20.10.2026 - 17:34

4 iyul müstəqillik günü Nyu-Yorkda da müxtəlif aksiyalarla qeyd olunub. Manhetten, Queens və Bruklin ətrafında toplanan milyonlarla vətəndaş təxminən yarım saat boyunca göyə atılan 70 min fişəngin yaratdığı işıq şousu altında unudulmaz anlar yaşayıblar.