TDT ölkələri kosmik əməkdaşlıq sazişi imzaladılar
Beynəlxalq Astronavtika Konqresi çərçivəsində Türk Dövlətləri Təşkilatına (TDT) üzv olan ölkələrin kosmik agentliklərinin rəhbərləri yeni bir “Kosmik Sənaye üzrə Əməkdaşlıq Sazişi”nə imza atıblar.
Minval.info xəbər verir ki, bu saziş Türk dövlətləri arasında kosmik sənaye sahəsində əməkdaşlığın daha sistemli bir şəkildə inkişaf etdirilməsini və ortaq layihələrin həyata keçirilməsini təmin edəcək. Məlumatda qeyd olunur ki, saziş, vahid əməkdaşlıq platformasının yaradılmasına yönəlib.
Sənədin imzalanması ilə TDT ölkələrinin kosmik sahədəki təcrübə və imkanlarının birləşdirilməsi, ortaq layihələrin icrası və yeni əməkdaşlıq sahələrinin genişləndirilməsi nəzərdə tutulur. Əsas layihələrdən biri, TDT ölkələrinin birgə “CubeSat” layihəsində iştirakı ilə reallaşdırılacaq.
Bu saziş, tərəflərin öhdəliklərini və əməkdaşlığın texniki, maliyyə, hüquqi və əməliyyat aspektlərini tənzimləyən çərçivə rolunu oynayacaq. Gələcəkdə əməkdaşlığın peyklərin istehsalı, Yerin uzaqdan müşahidəsi və kosmik elmlər kimi sahələri əhatə etməsi planlaşdırılır.
Türk Dövlətləri Təşkilatı çərçivəsində bu saziş, kosmik sənaye üzrə tərəfdaşlığın genişləndirilməsi və davamlı bir platformaya çevrilməsi məqsədini daşıyır. Üzv ölkələrin kosmik potensialının artırılması və regional kosmik ekosistemin gücləndirilməsi də əsas məqsədlər arasındadır.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Fransada tələbə etirazlarına yarım milyona yaxın insan qatıldı
Asos müştəriləri məlumat sızdırılması ilə hədələndi
İspaniya hökuməti mənzil böhranına qarşı iki yeni qərar qəbul etdi
Hürmüz boğazında neft tankeri hücuma məruz qalıb
İsrail Qəzzadakı gərginliyə görə hazırlıqlarını artırır
İspaniyada yeni mənzil qərarnamələri qəbul edildi
