Suriyada Rusiya və İran silahlıları arasında atışma: 2 ölü, 4 yaralı var

Suriyanın mərkəzi hissəsində yerləşən Deyrzor əyalətinin Mayadin rayonunda Rusiyanı hərbi polisi ilə İranın İnqilab Keşikçiləri Qvardiyasının döyüşçüləri arasında atışma baş verib.

“Report” “Yeniakit”ə istinadən xəbər verir ki, hadisə nəticəsində İranın 2 hərbçisi ölüb, Rusiyanın 4 hərbçisi yaralanıb.

İran və Rusiya hadisə ilə bağlı hələ ki rəsmi açıqlama yayımlayıblar.

Qeyd edək ki, cari ilin yanvarında Rusiyanın dəstəklədiyi “Qaplan qüvvələrinin 5-ci birliyi” ilə Bəşşar Əsədin qardaşı Mahir Əsədin komandanlığı altında olan silahlılar və İranın dəstəklədiyi “4-cü firka” arasında atışma olmuşdu.