Suriyada partlayış baş verib, 8 nəfər ölüb, 35-i yaralanıb

Suriyanın Afrin bölgəsinin mərkəzində içərisində partlayıcı qurğu yerləşdirilən avtomobilin partlaması nəticəsində 8 mülki şəxs ölüb, 35 dinc sakin yaralanıb.

“Report” xəbər verir ki, məlumatı “CNNTurk” yayıb.

Bildirilib ki, hadisə iyulun 11-də Afrinin cənubundakı Tirendə yaşayış məntəqəsində partlayıcı qurğu yüklənmiş mazut daşıyan avtomobilin partlaması nəticəsində baş verib.

Hücumu terrorçu PKK-nın Suriyadakı “YPG” və “PYD” adlı qollarnın törətdiyi ehtimalı daha çoxdur.

Qeyd edək ki, Türkiyə Silahlı Qüvvələri və Azad Suriya Ordusu Zeytun budağı əməliyyat nəticəsində Afrini, ətraf bölgələri terrorçulardan təmizləmişdi.