Səudiyyə Ərəbistanında nəhəng stadionun tikintisi dayandırıldı

Səudiyyə Ərəbistanı 2034-cü ildə keçiriləcək dünya çempionatına hazırlıqlarda ciddi problemlə üzləşib. Turnirin əsas stadionlarından biri kimi nəzərdə tutulan və 2,5 milyard dollar dəyərində olan “Neom” arenasının tikintisi dayandırılıb.

Minval.info xəbər verir ki, “Reuters”in məlumatına görə, MEED Projects platforması stadionu hazırda “gözləmədə” kimi təsnif edib və layihənin tamamlanması üçün konkret tarix hələlik müəyyən edilməyib.

Arena “Neom” meqalayihəsinin mərkəzində, “The Line” layihəsinin bir hissəsi kimi, yerdən 350 metr yüksəklikdə inşa edilməli idi. Stadion 2034-cü il dünya çempionatının ən diqqətçəkən obyektlərindən biri olmalı idi.

ƏLAQƏLİ

Bunu da oxu

Rusiya və Ukrayna arasında gecə dron hücumları ilə bağlı ittihamlar

06.10.2026 - 12:08

Layihənin dayandırılması, Səudiyyə Ərəbistanının yalnız bir ölkənin ev sahibliyi edəcəyi ilk dünya çempionatına hazırlıqları ilə bağlı suallar yaradıb. Ölkə turnir üçün FIFA-ya ümumilikdə 15 stadion təqdim edib.

Mütəxəssislər bu qərarı vəliəhd şahzadə Məhəmməd bin Salmanın “Vision 2030” proqramı çərçivəsində dövlət xərclərinin yenidən prioritetləşdirilməsi ilə əlaqələndirirlər. Dövlət İnvestisiya Fondunun rəhbəri Yasir Əl-Rumayyan “The Line” layihəsinin artıq prioritet olmadığını açıqlamışdı.

Problemlərə baxmayaraq, Səudiyyə Ərəbistanı rəsmiləri dünya çempionatına hazırlıqların plan üzrə davam etdiyini bildirirlər. Ali Qurumu alternativ stadionlardakı işlərin davam etdiyini və turnir infrastrukturu üzrə layihələrin əhəmiyyətli hissəsinin artıq icra mərhələsində olduğunu açıqlayıb.