İsraildə vətəndaş müharibəsi və çöküş təhlükəsi artır

İsraildə siyasi və ictimai gərginliklərin artması ölkəni vətəndaş müharibəsi və ya siyasi çöküş təhlükəsi ilə üzləşdirə bilər. Bu barədə yayılan məlumatlar ciddi narahatlıq doğurur.

Minval.info xəbər verir ki, ABŞ Mərkəzi Kəşfiyyat İdarəsinin (CIA) hazırladığı məxfi hesabatda İsrailin daxili və xarici vəziyyətinin təhlili aparılıb. Hesabatda Qəzza, Livan və İranla uzunmüddətli münaqişələrin İsrail daxilində siyasi, iqtisadi və ictimai parçalanmanı dərinləşdirdiyi vurğulanır.

Ölkədəki siyasi qütbləşmə, iqtisadi təzyiqlər və məcburi hərbi xidmətlə bağlı böhranlar gərginliyi artıran əsas amillər kimi qeyd edilir. Xüsusilə, üç il davam edən qarşıdurmalardan qayıdan bəzi hərbçilərin yaşadığı psixoloji travmalar və hərbi xərclərin artması vəziyyəti mürəkkəbləşdirir.

ƏLAQƏLİ

Bunu da oxu

Rusiya və Ukrayna arasında gecə dron hücumları ilə bağlı ittihamlar

06.10.2026 - 12:08

Hesabatda ultra-pravoslav yəhudilərin hərbi xidmətdən azad edilməsi məsələsinin dünyəvi və dindar təbəqələr arasındakı fikir ayrılıqlarını dərinləşdirdiyi bildirilir. Eyni zamanda, işğal altındakı Qərb sahillərində israillilərin fələstinlilərin torpaqlarına zorla müdaxiləsi daxili problemləri ağırlaşdıran amillərdən biri kimi göstərilir.

Hesabatda həmçinin İsrail Baş naziri Benyamin Netanyahunun ətrafında yaranmış siyasi böhranın vəziyyəti daha da gərginləşdirdiyi qeyd olunur. İsrailin beynəlxalq aləmdə təcridinin artması və ABŞ-dakı dəstəyin azalması isə siyasi parçalanma riskini yüksəldə bilər.

Oktyabrın 27-də keçirilməsi planlaşdırılan seçkilərin İsrailin gələcəyi baxımından mühüm mərhələ olacağı vurğulanır.