Serj Sarkisyanın qardaşı oğlu qaçqın düşərgəsinə göndərildi

Çexiya məhkəməsi Ermənistanın eks-prezidenti Serj Sarkisyanın qardaşı oğlu Narek Sarkisyanın ekstradisiyası haqqında məsələni nəzərdən keçirməyi dayandırıb. Məlumatı “news.am” yayıb.

Bildirilib ki, bu günlərdə Ermənistan Baş Prokurorluğunun sorğusu əsasında Praqa məhkəməsi Narek Sarkisyanın ekstradisiyasını nəzərdən keçirib.

Məlumata görə, məhkəmə bu işə baxılmasını dayandıraraq Narek Sarkisyanı qaçqınlar üçün nəzərdə tutulan düşərgəyə göndərib.

Bildirilib ki, onun Çexiyada istifadə etdiyi saxta pasport əldə etməsi məsələsinə isə ayrıca iş kimi baxılır.

Ermənistan Baş Prokurorluğundan isə xəbərdar edilmədiklərini vurğulayıblar: “Bu adamın Ermənistana təhvil verilməsi prosesi davam edir”.