Səudiyyə Ərəbistanında qadınlara hicabsız gəzməyə icazə veriləcək

Xarici turistlər ölkədə hicabsız və çarşafsız rahat gəzə bilərlər.

Səudiyyə Ərəbistanının Turizm və Beynəlxalq İrs Komissiyası naziri Əhmət Əl-Katib ölkəyə istirahətə və ya gəzməyə gələn xarici turistlər hicab məhdudiyyəti aradan qaldırılacaq.

Bloombergə danışan səudiyyəli nazir deyib ki, xaricdən gələn qadın turistlər hicab geymək məcburiyyəti ilə üz-üzə qalmayacaqlar: “Qadınlara hicabsız gəzmələrinə icazə verilsə də, ancaq onlara geyimlə bağlı müəyyən qaydalar tətbiq olunacaq. Yəni tam açıq-saçıq geyimlərə imkan verilməyəcək”.

Son illərdə Səudiyyədə qadınlarla bağlı bir sıra islahatlar həyata keçirilməkdədir. Artıq bu ölkədə qadınlara avtomobil idarə etmək, kinolara, konsertlərə qadınların kişilərlə bərabər getməsinə icazə verilib.(ölkə.az)