Səudiyyə Ərəbistanında qadınlara hərbi qüvvələrdə xidmət etməyə icazə verdilər

Səudiyyə Ərəbistanında hökumət qadınlara bir çox güzəştlər etməyə başlayıb. Əvvəlcə avtomobil sürməyə icazə vermidşilər, sonra tək səyahət edə biləcəklərini dedilər.

Bizimyol.info xəbər verir ki, Səudiyyə Ərəbistanda qadınlara hərbi qüvvələrdə xidmət etməyə icazə veriblər. Bu haqda “Asharq al-Awsat” qəzeti yazıb.

Nəşrin yazdığına görə, hərbi qüvvələrdə qadınlara heç bir məhdudiyyət qoyulmur. Onlar çavuş rütbəsinə qədər yüksələ, istənilən vəzifəni tuta bilərlər.

Mülki müdafiə əməliyyat mərkəzinin keçmiş rəhbəri Həsən aş-Şəhri qəzetə açıqlamasında deyib ki, düzgün istiqamətdə proqressiv addım atılır. Onun fikrincə, hərbi qüvvələrdə qadınlar üçün geniş imkanlar açılır.