Rusiyanın "kölgə donanmasına" Niderlanddan zərbə

Niderland hökuməti ölkənin eksklüziv iqtisadi zonasında “kölgə donanması” adlandırılan gəmilərin saxlanılması və yoxlanılması üçün yeni tədbirlər təklif edib. Publika.az-ın məlumatına görə, bu məqsədlə hazırlanan qanun layihəsi parlamentin aşağı palatasına təqdim edilib.

Təklif edilən qanun dəyişiklikləri Niderland hakimiyyətinə xarici gəmiləri əlavə yoxlama üçün limana çağırmaq və ya lövbər salmağa məcbur etmək səlahiyyəti verəcək. Əgər qanun pozuntuları aşkar edilərsə, gəmi tam şəkildə saxlanıla bilər və kapitan həbs edilə bilər.

Həmçinin, Niderland bayrağının gəmilərdə qanunsuz istifadəsinə görə cəzanın dörd ilə qədər artırılması təklif olunur. Bu tədbirlər, qanun layihəsi təsdiq olunarsa, tətbiq ediləcək.

ƏLAQƏLİ

Bunu da oxu

Nobel mükafatı polemik yaratdı: Navi Pillay və Tramp arasında gərginlik

10.10.2026 - 10:58

Hökumət bəyan edib ki, Rusiyanın “kölgə donanmasının” bir hissəsi olan bu gəmilər Avropa Birliyi sanksiyalarından yayınmaq üçün istifadə olunur və çox vaxt bayraqsız və ya saxta bayraqlar altında üzürlər. Bu isə gəmiçilik və ətraf mühit üçün potensial risklər yaradır.

Niderland səlahiyyətliləri köhnə və sığortasız gəmilərin qəzalara səbəb ola biləcəyini və sığortanın olmamasının zərərin ödənilməsini çətinləşdirəcəyini vurğulayıblar.