Rusiyanın bu sanksiyalara tab gətirməsi mümkün deyil, 1-2 aya... - Ekspert

Rusiyanın Ukraynaya hücumundan sonra bu ölkəyə qarşı iqtisadi sanksiyaların sayı artmaqda davam edir. Rusiyanın sonacan bu sanksiyalara tab gətirməsi mümkün deyil. Ancaq bu o demək deyil ki, Rusiya iqtisadiyyatı 1-2 aya çökəcək. Yox, bu tezliklə baş verməyəcək, proses aylar çəkə bilər.

Bunu Bakupost.az -a açıqlamasında iqtisadçı ekspert Natiq Cəfərli deyib.

İqtisadçı qeyd edib ki, getdikcə Rusiyada daha ağır vəziyyət yaranacaq. İlin sonuna yaxın bu ölkədə kəskin pisləşmiş iqtisadi vəziyyət müşahidə olunacaq:

“Hələlik Rusiyanın ehtiyatları var. Daxili bazarı qorumaq üçün müəyyən imkanlar mövcuddur.Ancaq rus rublu dəyərdən düşüb, işsizlik yaranıb, iqtisadi münasibətlər tamamilə pozulub. Zamanla ölkədə bunun ağır fəsadları özünü biruzə verəcək”.