“Yuventus”un portuqaliyalı ulduzu Kristianu Ronaldo A Seriyasında “Milan”la matçda yaşananlara görə üzrxahlıq etmək üçün öz komanda yoldaşlarını şam yeməyinə dəvət edib.

“La Repubblica”nın məlumatına görə, o, “Atlanta” ilə oyun öncəsi komanda yoldaşlarından şəxsən üzr istəmək qərarına gəlib.

Xatırladaq ki, İtaliya çempionatının 12-ci turunda “Milan”la qarşılaşmada əvəzlənən Ronaldo buna etiraz olaraq oyun bitməmiş dərhal stadionu tərk edərək soyunub-geyinmə otağına yollanmışdı. İtaliyada onun bu hərəkəti mütəxəssislər tərəfindən xoş qarşılanmayıb.

Bundan sonra komanda yoldaşları Ronaldodan üzr istəməsini tələb ediblər.

Qeyd edək ki, həmin matçda Ronaldonu əvəzləyən Dibala qol vurub.