Qrenlandiya yer üzündən silinə bilər

Qrenlandiya yer üzündən silinmə təhlükəsi qarşısındadır: bir gün ərzində adada 12 milyard ton buz əriyib.

Oxu.Az-ın verdiyi xəbərə görə, bu, mütləq rekord göstəricidir.

Danimarkalı rejissor dəhşətli kadrları çəkməyi bacarıb. Videodan da göründüyü kimi, nəhəng buzlaqları su axını əvəzləyib. Buna səbəb hava şəraitinin görünməmiş dərəcədə isti keçməsidir. İsti iqlim şəraiti Avropadan Arktikaya da keçib.

Bir həftədir ki, Qrenlandiyada hava tempraturu müsbət 22 dərəcədən aşağı düşmür. Təkcə bu yay ada buzlaqlarının 60 faizini itirib.

Alimlərin fikrincə, tezliklə dünyanın ikinci nəhəng adası yer üzündən silinə bilər.