“Prezidentliyim dövründə çox qocalmışam…” – Poroşenko

Ukraynanın keçmiş prezidenti Petro Poroşenko “Ukrainskaya Pravda” nəşrinə müsahibəsində ölkəni idarə etməklə bağlı çətin təcrübəsindən və gələcək həyat planlarından danışıb.

“Qafqazinfo”nun verdiyi xəbərə görə, Poroşenko on ildən sonra özünü necə görməsi ilə bağlı suala cavabında gələcəyini Avropa ilə bağladığını qeyd edərək bu sahədə narahatlıq və şübhə hisslərinin dərin olduğunu da ifadə edib:

“Çox istərdim ki, orada yaşayım. Mən ömrümü Avropa Parlamentinin üzvü kimi başa vurmağı arzulayıram”.

Eks-dövlət başçısı hər kəsi prezident kimi işinin nəticələrini iki-üç il sonra mühakimə etməyə çağıraraq bəyan edib ki, o vaxta qədər çoxlarının rəyi dəyişəcək.

ƏLAQƏLİ

Bunu da oxu

Milano küçələrində hərbçilər asayişi təmin edəcək

20.10.2026 - 17:54

Bundan başqa, Poroşenko onun haqqında tarix kitablarında yazılıb-yazılmayacağı barədə danışmaqdan imtina etsə də, Ukraynanı ölkənin tarixinin ən çətin dövrlərindən birində idarə etdiyini xatırladıb.

“Mən çox qocalmışam, çünki prezident olmaq asan udulan çörək deyil. Lakin bu, kişilər üçün o qədər də qorxulu deyil. Mən prezident olduğum hər 5 ilə görə qürur hissi duyuram. Mən Ukrayna ilə fəxr edirəm. Fəxr edirəm ki, ölkə köklü şəkildə fərqlənir. Mənim səhvlərim də olub, buna görə də təəssüf ki, Allahdan bağışlanmağımı istəyəcək bir şeyim var”, – deyə o, sözlərinə əlavə edib.