Nobel mükafatı polemik yaratdı: Navi Pillay və Tramp arasında gərginlik

Cənubi Afrikalı hüquqşünas və insan haqları müdafiəçisi Navi Pillay, apartheid rejiminə qarşı mübarizəsi və beynəlxalq ədalət sahəsindəki fəaliyyəti ilə tanınır. Pillay, 23 sentyabr 1941-ci ildə Durban şəhərində dünyaya gəlib və peşə həyatı boyunca həm milli, həm də beynəlxalq səviyyədə bir çox ilkin addımlara imza atıb.

Minval.info xəbər verir ki, Pillay 1967-ci ildə Natal bölgəsində öz hüquq bürosunu qurdu və daha sonra Cənubi Afrika Ali Məhkəməsinə təyin olunan ilk qeyri-ağdərili qadın hakim oldu. Harvard Hüquq Fakültəsindən hüquq elmləri doktoru dərəcəsi alan Pillay, bu dərəcəyə çatan ilk Cənubi Afrikalı qadın titulunu da qazanıb.

Ölkəsindəki irqçi apartheid rejimi dövründə insan haqları mübarizəsi aparan Pillay, Nelson Mandela başda olmaqla bir çox siyasi məhbusun müdafiəçiliyini üstlənib. Beynəlxalq məhkəmə orqanlarında da kritik rollar oynayan Pillay, Ruanda Beynəlxalq Cinayət Məhkəməsində hakimlik və sədr vəzifələrini icra edib.

ƏLAQƏLİ

Bunu da oxu

Böyük Britaniya Fələstin qaçqınlarına yanlış ümid verməkdə ittiham olunur

10.10.2026 - 10:48

Pillay, 2008-2014-cü illərdə Birləşmiş Millətlər Təşkilatının İnsan Haqları üzrə Ali Komissarı vəzifəsində çalışıb. Son dövrlərdə isə BMT-nin İşğal Altındakı Fələstin Əraziləri Müstəqil Beynəlxalq Araşdırma Komissiyasının sədri olaraq, Qəzzadakı insan haqları pozuntularını və müharibə cinayətlərini sənədləşdirən hesabatlar hazırlayıb.