Netanyahunun arvadı yemək sifarişlərinə görə cərimələnəcək

İsrailin baş naziri Binyamin Netanyahunun həyat yoldaşı Sara Netanyahu restorandan verdiyi yemək sifarişlərinə görə cərimələnəcək.

“Qafqazinfo” “RİA Novosti”yə istinadən xəbər verir ki, Baş nazirin xanımı dövlət büdcəsinin vəsaitlərini restoran sifarişlərinə xərcləməkdə ittiham olunub.

Sara Netanyahu 55 min şekel (təxminən 15 min dollar) cərimə ödəməyə razı olub.

Qeyd edək ki, ötən ilin oktyabrında Baş nazirin xanımına qarşı məhkəmə prosesi başlayıb. O, büdcə vəsaitlərinin qanunsuz xərclənməsində günahlandırılır.