Dünya şöhrətli azərbaycanlı ifaçı Sami Yusuf böyük Azərbaycan şairi İmadəddin Nəsiminin anadan olmasının 650 illiyi çərçivəsində özünün məşhur “Nəsimi” layihəsini təqdim edib.

Sami Yusuf mütəfəkkirin “Sığmazam” qəzəlinə yeni musiqi bəstələyib. İfaçı onu özünəməxsus şəkildə ifa edib.

Musavat.com xəbər verir ki, əməkdar artist Təyyar Bayramov və Aşıq Samirə mahnının muğam hissəsinə öz ifaları ilə gözəllik qatıblar.

Azərbaycanın tanınmış sənətkarlarından ibarət olan simfonik orkestr və xorun müşayiəti ilə ərsəyə gələn “Sığmazam” əsəri dinləyicilər tərəfindən rəğbətlə qarşılanıb.

Qeyd edək ki “Nəsimi” adlandırılan ifa Sami Yusufun 1,1 milyon izləyicisinin olduğu rəsmi “Youtube” kanalına yerləşdirilib. Videonun izlənmə sayı qısa zamanda 105 mini ötüb.