MSK Aygün Muradxanlının şikayətini təmin etmədi
Mərkəzi Seçki Komissiyasının (MSK) bu gün keçirilən iclasında fevralın 9-da keçirilmiş Milli Məclisə seçkilərlə əlaqədar 28 saylı Sabunçu Üçüncü Seçki Dairəsindən deputatlığa namizəd Süleymanlı Aygün Yunis qızının (Aygün Muradxanlı) müraciətinə baxılıb.
“Report”un xəbərinə görə, məsələ ilə bağlı MSK üzvü İlham Məmmədov məlumat verib.
ƏLAQƏLİ
Səfa Mirzəyev: “Lazım olarsa, Milli Məclisin növbədənkənar iclasları keçiriləcək”
İ.Məmmədov bildirib ki, namizəd A.Süleymanlı müraciətində sözügedən dairədə səsvermə günü seçki pozuntularının qeydə alındığını iddia edib və dairə üzrə səsvermənin nəticələrinin ləğv olunmasını istəyib.
Komissiya həmin müraciətlə əlaqədar olaraq araşdırmalar aparıb.
Qeyd olunub ki, araşdırma zamanı müraciətdə qeyd olunan hallar öz əksini tapmayıb.
İclasda 28 saylı Sabunçu Üçüncü Seçki Dairəsindən deputatlığa namizəd Aygün Muradxanlının müraciətinin təmin edilməməsi ilə bağlı qərar qəbul edilib.
Qeyd edək ki, 28 saylı Sabunçu Üçüncü Seçki Dairəsinin lider namizədi Eldar Quliyevdir.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Konstitusiya Məhkəməsi seçkilərin nəticələri ilə bağlı QƏRAR VERDİ
Sabah Konstitusiya Məhkəməsi seçkilərlə bağlı yekun qərarını açıqlayacaq
MSK seçkini yekunlaşdırdı - bəs namizədlər?
2 məntəqədə səsvermənin nəticələri ləğv edildi
MSK bu həftə seçkilərə yekun vuracaq
