Məhkəmə Atambayevin həbs müddətini artırdı
Bişkekin Bir may rayon məhkəməsi Qırğızıstanın keçmiş Prezidenti Almazbek Atambayevin 26 oktyabra qədər həbsdə saxlanılması haqqında qərar çıxarıb.
Bu barədə sabiq dövlət başçısının vəkili Sergey Slesarev qapalı iclasın nəticələrinə əsasən “RİA Novosti“yə danışıb.
Onun sözlərinə görə, bu qərar qanunsuzdur və yuxarı instansiyalara şikayət olunacaq.
Məhkəmə iclası Qırğızıstanın Milli Təhlükəsizlik üzrə Dövlət Komitəsinin binasında keçirilib.
Daha əvvəl, 8 avqustda paytaxtın Bir may rayon məhkəməsi keçmiş dövlət başçısını 26 avqustadək istintaq təcridxanasına göndərmişdi. Bir həftə sonra yuxarı instansiya – Bişkek şəhər Məhkəməsi bu qərarı qüvvədə saxlamışdı.
A.Atambayev qətl və digər ağır cinayətlərin təşkilində ittiham olunur. Həmçinin keçmiş dövlət başçısı kütləvi qarşıdurmaların təşkilində, girov götürməkdə və hökumət nümayəndəsinə qarşı zorakılıqda təqsirli bilinir. Onu ömürlük həbs cəzası gözləyir.
ƏLAQƏLİ
Türkiyə və Özbəkistan iqlim dəyişikliyinə qarşı şəhərlərini hazırlayır
Xatırladaq ki, Qırğızıstanın xüsusi təyinatlı bölmələri avqustun 7-də A.Atambayevin saxlanılması üzrə əməliyyata başlayıb. Əməliyyat eks-prezidentin Koy-Taşdakı iqamətgahında aparılıb. Hücum zamanı 136 nəfər xəsarət alıb, bir xüsusi təyinatlı həyatını itirib, 14 nəfər xəsarət alıb.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Milano küçələrində hərbçilər asayişi təmin edəcək
Türkiyə və Özbəkistan iqlim dəyişikliyinə qarşı şəhərlərini hazırlayır
Kütləvi iğtişaşlar səbəbindən Milana qoşun yeridilir
Zelenski ABŞ nümayəndələri ilə Oslo danışıqlarına hazırlaşır
Ukrayna müharibəyə gündə nə qədər vəsait sərf edir?
Trampın xüsusi nümayəndəsi Zelenski və Putinlə görüşəcək
