19.11.2026 - 11:14
Kiberhücumların böyük hissəsini süni intellekt idarə edir
Texno 224 baxış

Kiberhücumların böyük hissəsini süni intellekt idarə edir

Publika.az-ın məlumatına görə, Dövlət Təhlükəsizliyi Xidmətinin rəis müavini Həsən Mansurov “Kiberdiplomatiya üzrə Beynəlxalq Konfrans Azərbaycan 2026: Süni intellekt dövründə güc və təsir” adlı tədbirdə çıxış edib. O, beynəlxalq hesabatlara istinad edərək, kiberhücumların böyük bir hissəsinin artıq süni intellekt tərəfindən idarə olunduğunu bildirib.

Mansurov qeyd edib ki, kiberhücumlar dəqiqələr ərzində baş verir, lakin diplomatik reaksiyalar həftələr tələb edir. Bu fərqi azaltmaq kiberdiplomatiyanın əsas vəzifələrindən biridir.

O, həmçinin vurğulayıb ki, qlobal proqnozlar kibertəhlükəsizlik sahəsindəki imkanlarla uzlaşmır. Xüsusilə kvant texnologiyaları ilə bağlı yeni risklər meydana çıxır. Bu səbəbdən beynəlxalq standartlaşdırma qurumları kvantsonrası kriptoqrafiyaya keçidin dərhal başlanmasını tövsiyə edir.

Mansurov, generativ süni intellekt, deepfake texnologiyaları və avtomatlaşdırılmış informasiya əməliyyatlarının dövlətlərarası diplomatik münasibətlər üçün yeni təhlükələr yaratdığını da əlavə edib. O, fiziki və hüquqi şəxslərin gündəlik həyatında deepfake-lərlə mübarizənin önəmini vurğulayıb.

Bu xəbəri paylaş:
Link yaddaşa kopyalandı!

Ən son xəbərləri bizim sosial media səhifələrimizdə izləyin!

Ölkədən və dünyadan ən sürətli canlı yayımları qaçırmamaq üçün bizə abunə olun: