İPhone 18 Pro satışları gözləntiləri doğrultmadı

Apple şirkətinin yeni təqdim etdiyi iPhone 18 Pro və iPhone 18 Pro Max modelləri gözlənilən satış effektini vermədi. Ötən ilki iPhone 17 Pro seriyası ilə müqayisədə bu modellərə tələbatın daha zəif olduğu müşahidə edilir.

Minval.info xəbər verir ki, analitik Jeff Pu-nun məlumatlarına əsasən, iPhone 18 Pro-nun 256 və 512 GB yaddaşlı modellərinin müxtəlif rəng variantlarında çatdırılma müddəti 3-4 həftəyə qədər uzanıb. Daha yüksək yaddaşlı modellərin bəzi rəngləri isə daha tez əldə edilə bilir.

Analitik Pu, bu göstəricilərin iPhone 18 Pro seriyasına ilkin tələbatın zəif olduğunu göstərdiyini bildirir. Ötən il iPhone 17 Pro Max modelinin ön sifarişləri başladıqdan cəmi bir gün sonra 3-4 həftəlik çatdırılma müddətinə çatmışdı. Pu-nun fikrincə, məhdud yeniliklər və modellərin bahalaşması tələbatın azalmasına səbəb olmuş ola bilər. İlk qatlanan iPhone modelini gözləyən istifadəçilərin də alış qərarını təxirə saldığı ehtimal edilir.