HƏMAS və Fələstin fraksiyaları Qəzza üzrə yeni sazişi təsdiqlədilər

Qəzza bölgəsindəki gərginliyi azaltmaq məqsədilə HƏMAS hərəkatı və digər Fələstin fraksiyaları arasında yeni bir saziş razılaşdırılıb. Bu razılaşma, bölgədəki vəziyyətin stabilləşdirilməsi üçün atılan mühüm bir addım kimi dəyərləndirilir.

Minval.info xəbər verir ki, bu barədə “Al Hadath” telekanalı məlumat yayıb. Saziş, Qəzza zolağında sülh prosesinin idarə olunması üçün yaradılan beynəlxalq struktur olan Sülh Şurası tərəfindən təqdim edilib.

Rəsmi açıqlamanın, İsrail tərəfinin HƏMAS tərəfindən irəlilədilən şərtləri təsdiqlədikdən sonra veriləcəyi bildirilib. Razılaşmanın detalları cümə günü açıqlanacağı gözlənilir.

ABŞ altı qurum və fiziki şəxsə sanksiya tətbiq etdi

ƏLAQƏLİ

Bunu da oxu

ABŞ altı qurum və fiziki şəxsə sanksiya tətbiq etdi

31.07.2026 - 03:22

HƏMAS nümayəndələrinin verdiyi məlumata görə, qəbul edilən şərtlər arasında, HƏMAS-ın ağır silahlarının Qəzza zolağının idarə olunması üzrə milli komitəyə təhvil verilməsi də var. Silahların inventarlaşdırılması və saxlanması isə beynəlxalq komitə tərəfindən həyata keçiriləcək.

HƏMAS həmçinin qeyd edib ki, silahların təhvil verilməsi prosesi, İsrail qoşunlarının bölgədən çıxarılması ilə əlaqələndirilməlidir. Silahların təhvil verilməsi üçün ayrılan müddət isə ən azı 14 gün olmalıdır.

Minval.info