"Hər şey bitdi" - "Barselona"nın prezidenti Neymarın transferi barədə

“Barselona”nın prezidenti Xosep Mariya Bartomu PSJ-nin futbolçusu Neymarın Kataloniya klubununun keçidinin alınmamasını şərh edib.

Qol.az-ın İspaniya mətbuatına istinadən yaydığı xəbərə görə, o, Paris təmsilçisinin yüksək tələbləri səbəbindən braziliyalı oyunçunun transferinin alınmadığını təsdiqləyib. Klub rəhbəri bildirib ki, PSJ Neymar üçün 150 milyon avro, həmçinin 3 futbolçu – Jan-Klera Todibo, İvan Rakitiç və Usman Dembelenin icarə verilməsini istəyib.

“Hər şey bitdi. Biz bütün dünya futbolu üçün gülüş mənbəyi olmayacağıq” – deyə Bartomeu bildirib.

Qeyd edək ki, Neymarın PSJ ilə müqaviləsinin müddəti 2022-ci ilin yayında başa çatır.