Gürcü və türk məhbus Almaniya həbsxanasından qaçıb - FOTO

Almaniyanın Bavariya əyalətində gürcü və türk məhbus həbsxanadan qaçıb.

“Report”un Gürcüstan bürosu Almaniya mətbuatına istinadla xəbər verir ki, 37 yaşlı Vaja Burcanadze və 36 yaşlı Gökhan Günbeyi həbsxananın hasarına çıxaraq qaçmağa müvəffəq olublar.

Onların dəmir yolu stansiyasına doğru qaçdıqları bildirilir. Məhbusların axtarışı istiqamətində genişmiqyaslı tədbirlər həyata keçirilir. Axtarışlara helikopter də cəlb olunub. Polis vətəndaşlara müraciət edərək məhbuslara yaxınlaşmamağa və onları görən kimi polisə xəbər verməyə çağırıb.

V.Burcanadze və G.Günbeyi oğurluğa görə həbs cəzası çəkirlər.