Günəş sisteminin dağılması gözləniləndən daha tez baş verə bilər

Günəş sisteminin xarici planetləri, Günəşin ölümündən təxminən bir milyard il sonra xaosa sürüklənəcək. Bu, Kaliforniya Texnologiya İnstitutunun (Caltech) yeni araşdırmasında ortaya çıxıb. Araşdırma nəticəsində, bu planetlərin gözlənilən ömürlərinin milyard dəfə azaldığı bildirilib.

Əvvəlki hesablamalar, nəhəng planetlərin orbitlərinin sabitliyini təxminən kvintilyon il olaraq göstərirdi ki, bu da kainatın indiki yaşından çox uzundur. Minval.info xəbər verir ki, elm adamları Günəşin yavaş ölümü nəticəsində Yupiter, Saturn, Uran və Neptun kimi xarici planetlərin necə təsirlənəcəyini araşdırırdılar.

Əvvəllər İsaak Nyuton da daxil olmaqla bir çox alim düşünürdü ki, Günəş kütləsini hamar bir şəkildə itirəcək, əvvəlcə Qırmızı Nəhəngə, sonra isə Ağ Cırtdana çevriləcək. Bu prosesdə Yer, Venera və Merkurinin Günəşin genişlənməsi ilə ilk yox olan planetlər olacağı, Marsın isə uzaqda olduğu üçün sağ qalacağı düşünülürdü.

ƏLAQƏLİ

Bunu da oxu

Rusiya Avropaya hücum planlarını hazırlayıb

02.10.2026 - 19:14

Ancaq yeni tapıntılar bu mənzərənin səhv olduğunu göstərir. Yenilənən məlumatlara görə, Günəşin ağ cırdana çevrilməsindən təxminən bir milyard il sonra, xarici planetlər xaosa düşəcək. Günəş ağ cırdana çevriləndə, sürətlə soyuyub və cari ölçüsünün yarısına qədər kiçilir, lakin bu proses əvvəlki düşüncələrdən fərqli olaraq, hamar olmayacaq.

Araşdırma, Günəşin kütləsini sakit və ardıcıl şəkildə deyil, “stoxastik təkanlar” adlanan şiddətli və təsadüfi partlayışlarla itirəcəyini iddia edir. Bu nəticələr, ‘Stoxastik Günəş Kütləsi İtirməsi ilə Tətiklənən Günəş Sisteminin Terminal Sabitliyi’ adlı araşdırmada, Astrophysical Journal Letters-da dərc edilib.