Günel Zeynalova ETİRAZ ETDİ: “Hər gedib-gəldikcə böyrək daşım silkələnir”

Müğənni Günel Zeynalova yaşadığı ərazidə yolların bərbad vəziyyətdə olmasından narazılığını ifadə edib. Minval.info xəbər verir ki, sənətçi sosial şəbəkə hesabında paylaşım edərək Mərdəkan qəsəbəsində bağ evinə gedən yolun təmir olunmasını istəyib.

Günel bildirib ki, yolun vəziyyəti gündəlik hərəkəti çətinləşdirir və bu səbəbdən aidiyyəti qurumlara müraciət edib.

“Bağımın yolunu göstərirəm. Hər gedib-gəldikcə böyrək daşım silkələnir. Nə olar ki, bu yolu düzəldəsiniz. Xahiş edirəm, Mərdəkan bölgəsindəki bu yolu təmir edin. Təmir zamanı vəziyyət daha da betər olub. Bu, biabırçılıqdır. Nə olar ki, yolu düzəltsəniz”, – deyə müğənni paylaşımında bildirib.

Qeyd edək ki, Günel Zeynalova bundan əvvəl də Xəzər Rayon İcra Hakimiyyəti nümayəndələrinə müraciət edərək Mərdəkan ərazisində yolların yararsız vəziyyətdə olduğunu diqqətə çatdırmışdı.