Futbol üzrə dünya çempionları Bakı Olimpiya Stadionunda oynaya bilər
Futbol üzrə 2020-ci il Avropa çempionatına daha üç komanda vəsiqə qazanıb.
Oxu.Az xəbər verir ki, H qrupunda Türkiyənin ardından son dünya çempionları Fransa, A qrupunda isə İngiltərə və Çexiya vəsiqə qazanıb.
A qrupunun lideri İngiltərə Monteneqronu 7:0 darmadağın etməklə, Çexiya isə əsas rəqibi Kosovo üzərində əzmkar qələbə (2:1) qazanmaqla buna nail olub.
Əsas rəqiblərindən olan İslandiya ilə qolsuz heç-heçə etməklə Türkiyə yığmasının Avro-2020-yə çıxdığını bildirmişdik. H qrupunda Fransa Moldova üzərində əzmkar qələbə (2:1) qazanmaqla, həm liderliyi ələ alıb, həm də vəsiqəni bir tur öncədən təmin edib.
Xatırladaq ki, daha əvvəl Ukrayna, İspaniya, Polşa, Belçika, Rusiya və İtaliya milliləri iki tur öncədən Avro-2020-yə vəsiqə qazanıb.
Qeyd edək ki, 12 iyun – 12 iyul tarixlərində baş tutacaq Avro-2020-nin dörd oyunu Bakıda keçiriləcək. Üç qrup və bir 1/4 final matçı Bakı Olimpiya Stadionunda baş tutacaq. İngiltərə ev sahiblərindən biri olduğundan, qrup oyunlarını Londonda keçirəcək. Fransa millisinin isə hansı qrupda yer alacağı bilinmir.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
"Barsa" Qrizmannın transferi ilə bağlı danışıqları dayandırdı
Yurçeviçin səhvlərini düzəltməsi – dəyişikliklərlə qazanılan xal
"Real"da daha bir ciddi itki - PSJ ilə oyunu buraxır
“Barselona” və “Bavariya” da 1/4 finala yüksəldi
“Yuventus” yeni futbolçusunu təqdim edib
"Qrupda istənilən yığmadan xal ala bilərik" – Yığmamızın futbolçusu