Fransanın Dijon şəhərində yeni doğulan körpələrə “Cihad” adının qoyulması qadağan edilib.
“Qafqazinfo” xarici KİV-ə istinadən xəbər verir ki, bu qərar həmin adda olan körpələrə qarşı cəmiyyət tərəfindən neqativ reaksiya göstəriləcəyi ehtimalından irəli sürülüb. Şəhr prokurorunun sözlərinə görə, burada məqsəd uşaqların maraqlarını qorumaqdır:
“Məhkəmə bu adı qəbul etməyəcək. Çünki düşünürük ki, bu ad uşaq üçün zərərli ola bilər və ona problem yaradar”.
Bunun əvəzində isə valideynlərə “Cahid” adını seçmək tövsiyə olunub. Bu ad “Cihad”dan fərqli olaraq müharibə ilə bağlı deyil, cəsarət və gücü simvolizə edir.
Qeyd edək ki, “Cihad” adının qadağan edilməsi ilə bağlı məhkəmə prosesi 2018-ci ildə Dijon merinin müraciəti əsasında başladılıb.
