Fransada etirazların qadağan edilməsi qərarı verildi

Fransa Prezidenti Emmanuel Makron, Elysee Sarayında keçirilən Təhlükəsizlik Şurası toplantısından öncə mətbuata açıqlama verib. O, yaxın günlərdə və həftələrdə həmkarlar ittifaqları tərəfindən tələb edilməyən etirazların qadağan ediləcəyini bildirib.

Minval.info xəbər verir ki, Makron, “qanuni” təşkilatlar tərəfindən təşkil olunmayan etirazların hər yerdə qarşısının alınacağını vurğulayıb. Həmkarlar ittifaqları tərəfindən təşkil olunan nümayişlərin isə marşrut baxımından nəzərdən keçiriləcəyini qeyd edib. O, “ümumi fikir yaxın günlərdə etirazların olmaması istiqamətindədir. Əgər etiraz etmək istəyənlər həmkarlar ittifaqları tərəfindən təşkil olunarsa, valiliklər alternativ yollar təklif edəcək” deyə əlavə edib.

Makron bu tədbirlərin iş yerlərini qorumaq məqsədilə alındığını vurğulayıb. Ötən həftə “Sarı Jiletlilər” adı ilə tanınan qrupun ölkə miqyasında təşkil etdiyi etirazlar zamanı 2500 nəfər həbs edilmiş, 1000-dən çox polis, jandarma və yanğınsöndürən yaralanmışdı.

ƏLAQƏLİ

Bunu da oxu

Husilər Səudiyyə Ərəbistanının Müdafiə Nazirliyinə hücum etdilər

22.10.2026 - 17:34

Şiddət hadisələrinin yaşandığı etirazlarda təxminən 3000 iş yeri zərər görmüş və ya talan edilmişdi. İş yerləri zərər çəkənlər hökuməti krizi idarə edə bilmədiyi üçün tənqid etmişdilər.

Hökumət mümkün etirazları önləmək üçün Paris, Lille, Lyon, Nitsa və Marsel şəhərləri başda olmaqla bəzi bölgələrdə qismən komendant saatı tətbiq etmək qərarına gəlmişdi.