Bangkokda güclü yağışlar nəticəsində minlərlə insan təxliyə edildi

Güclü yağışlar son günlərdə Taylandın paytaxtı Banqkokda genişmiqyaslı sellərə səbəb olub. Bu təbiət hadisəsi şəhərin bir çox bölgəsində nəqliyyatda və gündəlik həyatda ciddi çətinliklərə yol açıb. Ümumilikdə bəzi yerlərdə yağıntının miqdarı 30 santimetrdən çox olub, xüsusilə aşağı ərazilərdə yerləşən məntəqələr su altında qalıb.

Minval.info xəbər verir ki, yerli hakimiyyət orqanları Banqkokda 200-dən artıq müvəqqəti sığınacaq mərkəzi təşkil ediblər. Təxliyə edilən təxminən 3 min nəfər bu mərkəzlərdə yerləşdirilib. Tayland Meteorologiya İdarəsi ölkənin müxtəlif bölgələrində orta və güclü yağışların davam edəcəyini proqnozlaşdırsa da, sabahdan etibarən hava şəraitinin yaxşılaşması gözlənilir.

Banqkokda baş verən sellər nəticəsində 50 bölgə fövqəladə vəziyyət elan edilib. Ölkə üzrə son 10 gün ərzində ən azı 8 nəfərin həyatını itirdiyi, 25 bölgədə isə 545 mindən çox insanın sellərdən təsirləndiyi bildirilib.