Bakı–Tbilisi–Bakı qatarında əlavə reyslər və endirimlər təqdim edilir

Azərbaycan Dəmir Yolları (ADY), beynəlxalq səfərlər üzrə artan tələbatı qarşılamaq və səyahət imkanlarını genişləndirmək məqsədilə Bakı–Tbilisi–Bakı marşrutu üzrə əlavə reyslər təyin edir.

Minval.info xəbər verir ki, noyabrın 1-dən etibarən bu marşrut üzrə gündəlik dörd reys həyata keçiriləcək. Bununla sərnişin yerlərinin sayı 386-dan 564-ə yüksələcək ki, bu da 50 faiz artım deməkdir.

Yeni reyslərin istifadəyə verilməsi sərnişinlərə daha ucuz səyahət imkanı təqdim edir. Əlavə reyslərdə standart sinif biletləri 36 manatdan başlayır. Bu da səyahətin 30 faiz daha ucuz başa gəlməsi deməkdir. Marşrut üzrə Bakıdan Tbilisiyə biletin qiyməti 54 manatdan başlayır.

Sentyabrda Azərbaycanda temperatur iqlim normasını aşdı

ƏLAQƏLİ

Bunu da oxu

Sentyabrda Azərbaycanda temperatur iqlim normasını aşdı

01.10.2026 - 17:34

Mövcud “Stadler” vaqonlarında isə komfort sinif üzrə bilet qiymətləri daha yüksəkdir. Əlavə reyslərə bilet satışı oktyabrın 2-dən başlanacaq.

Yeni reyslər sərnişinlərə gündüz və gecə səyahətləri təklif edir. Bakıdan saat 09:10-da çıxan qatar saat 19:11-də Tbilisiyə çatacaq. Əks istiqamətdə isə qatar Tbilisidən saat 22:00-da hərəkət edərək növbəti gün Bakı Dəmiryol Vağzalına saat 07:57-də çatacaq.

Onlayn bilet alışı prosesinin daha da təkmilləşdirilməsi məqsədilə ADY-nin veb-saytı və “ADY Mobile” tətbiqində bir sıra yeniliklər edilib. Sərnişinlər şəxsi kabinet məlumatlarını “MyGov ID” vasitəsilə təsdiqləməlidirlər ki, bu da onlayn bilet alışının etibarlılığını artırır.