"Anam dedi ki, kimsə bilməsin, səni alan olmaz" - Koronavirusdan sağalan 28 yaşlı qız - FOTO
Anam dedi ki, koronavirus olduğunu kimsə bilməsin, yoxsa səni alan olmaz.
Bu sözləri koronavirusdan sağalan 28 yaşlı Melek Yıldırım ( Mələk İldırım ) söyləyib.
O, mart ayının 4-dən 9-na kimi Parisdə qaldığı günlərdə koronavirusa yoluxub. Mələk Türkiyəyə qayıtdıqdan sonra xəstəliyin əlamətləri özünü göstərib.
14 gün müddətinə karantinə alınan Melek Yıldırım bu müddət ərzində başına gələnləri mətbuata açıqlayıb:
“Türkiyəyə qayıtdıqdan 5 gün sonra, yəni martın 15-də halım pisləşdi. Məndə öskürək yox idi, amma bütün bədənim ağrımağa başladı və qızdırmam qalxdı. Mart ayının 16-da, ad günümdə xəstəxanaya yatırıldım.
Bir gün sonra koronavirus test nəticəm (+) çıxdı. Türkiyəyə qayıtdıqdan sonra 8 nəfərlə təmasda olmuşdum ki, onlardan 6-sını da bu xəstəliyə yoluxdurmuşdum. 2 nəfərin test nəticəsi mənfi çıxmışdı.
Karantində olduğum müddətdə atama zəng elədim, “evə gəlmə” dedi. Anam isə danışanda dedi ki, koronavirus olduğumu tanışlar bilməsin, yoxsa evdə qalacam ( gülür ).
O bildirib ki, koronavirusu hər insan bir cür keçirir. Şəxsən məndə qətiyyən öskürək olmadı. Ona görə də məsələni ciddi qəbul etmək lazımdır”.
milli.az
ƏLAQƏLİ
Müxalifətə qarşı əməliyyatda Qarabağ qalmaqalı – Erməni kəşfiyyatı yanlış ünvana getdi
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Husilərdən Səudiyyə Ərəbistanının Aramco şirkətinə hücum
32 azərbaycanlı Almaniyadan geri qaytarıldı
Ukrayn zərbələri Yandeksin data mərkəzlərinə zərbə vurub
Səudiyyə Ərəbistanı Husi hücumları səbəbindən uçuşları dayandırır
Səudiyyə Ərəbistanında hava limanına hücum nəticəsində itkilər
