Anadolu agentliyinin 30-cu müharibə müxbiri təlimini 25 jurnalist başa vurub

Anadolu agentliyi, Türkiyə Polis Akademiyası və Türk Əməkdaşlıq və Koordinasiya Agentliyi (TİKA) tərəfindən birgə təşkil edilən 30-cu Müharibə Müxbiri Təlim Proqramını 25 jurnalist uğurla tamamlayıb.

İki həftəlik proqram çərçivəsində doqquz Anadolu jurnalisti və Laos, Malayziya, Vyetnam, Kamboca, Filippin, İndoneziya və Papua Yeni Qvineyadan gələn 16 jurnalist iştirak ediblər. Minval.info xəbər verir ki, proqram iştirakçıları münaqişə zonaları, fəlakət bölgələri və digər təcili hallarda işləmək üçün hazırlaşdırılıb.

Jurnalistlər beynəlxalq humanitar hüquq, şəxsi təhlükəsizlik, müasir sürücülük və su üzərində sağ qalma kimi sahələrdə nəzəri və praktiki təlimlər alıblar.

ƏLAQƏLİ

Bunu da oxu

Trampın qadağan etdiyi media qurumlarına Ağ Evdə yenidən maneə törədildi

25.09.2026 - 15:09

Sertifikat mərasimində çıxış edən rəsmi şəxslər münaqişə zonalarında reportaj hazırlayarkən jurnalistlərin qarşılaşa biləcəyi risklərə hazırlığın vacibliyini vurğulayıblar. Onlar bildiriblər ki, heç bir xəbər jurnalistin həyatından daha önəmli deyil.

Proqram həmçinin müxtəlif ölkələrdən olan jurnalistlər arasında peşəkar əməkdaşlığın gücləndirilməsi və təcrübə mübadiləsinin asanlaşdırılmasını da hədəfləyir.