Alimlər ideal yuxu müddətini açıqladı: 6,4-7,8 saat!

Alimlər qocalmanı yavaşladan ideal yuxu müddətini müəyyən ediblər. Ənənəvi olaraq hər gün səkkiz saat yatmağın vacibliyi vurğulansa da, yeni araşdırmalar bu müddətin bir qədər şişirdildiyini göstərir. Səkkiz saatdan çox yatmaq əks təsir göstərə bilər.

Minval.info xəbər verir ki, “Nature” jurnalında dərc olunan araşdırma Kolumbiya Universitetinin alimləri və “MULTI Consortium” beynəlxalq komandasının iştirakı ilə aparılıb. Tədqiqatda 17 orqan sistemini əhatə edən 23 “qocalma saatı” yaradılıb və yaşı 37-dən 84-ə qədər olan təxminən yarım milyon iştirakçıdan məlumatlar toplanıb.

Araşdırma nəticəsində məlum olub ki, həm altı saatdan az, həm də səkkiz saatdan çox yuxu sürətlənmiş qocalma ilə əlaqələndirilir. Qocalmanın ən az əlamətləri sutkada 6,4–7,8 saat yatan insanlarda müşahidə olunub.

ƏLAQƏLİ

Bunu da oxu

Səudiyyə Ərəbistanında dörd şəhərdə fövqəladə vəziyyət!

14.09.2026 - 10:21

Məqalənin müəllifi bu göstəricini universal yuxu norması kimi qəbul etməməyə çağırır. Araşdırma yuxu müddəti ilə bioloji qocalmanın sürəti arasında əlaqə olduğunu göstərsə də, yuxunun özünün qocalmaya səbəb olduğunu sübut etmir. Həddindən artıq qısa və ya uzun yuxu səhhətin daha pis olmasının əlaməti ola bilər.

Yetkin insanlar üçün Xəstəliklərə Nəzarət və Profilaktika Mərkəzləri sutkada ən azı yeddi saat yatmağı tövsiyə edir. Yuxunun kifayət qədər olmaması piylənmə, diabet, yüksək qan təzyiqi, ürək xəstəlikləri və insultla əlaqələndirilir. ABŞ Milli Qocalma İnstitutu yaşlandıqca daha az yatmaq lazım olduğu fikrini mif adlandırır və yaşlı insanların da təxminən 7–9 saat yuxuya ehtiyacı olduğunu bildirir.