Ağdamda toyda dava: Bir nəfər xəsarət aldı

Ağdam rayonunun Evoğlu kəndində keçirilən toy məclisində dava baş verib. Hadisə zamanı bir nəfər xəsarət alıb. Toya qatılan Əfətli kənd sakini Tamerlan Əliyev, bacısı qızının toyunda iştirak edərkən, sərxoş vəziyyətdə olan kənd sakini Məhəmməd Şirinovun tamadaya yaxınlaşıb yeni mahnı sifariş etməsi ilə mübahisə yaranıb. Minval.info xəbər verir ki, mübahisə nəticəsində Tamerlan Əliyev Məhəmməd Şirinovu döyərək ona xəsarət yetirib.

Hadisə ilə bağlı cinayət işi açılıb və Tamerlan Əliyev polis tərəfindən saxlanılıb. Ağdam Rayon Məhkəməsinin qərarı ilə ona 6 ay azadlığın məhdudlaşdırılması cəzası verilib və elektron qolbaq taxılıb.