Afət Fərmanqızı bloqerə qarşı məhkəmə iddiası qaldırdı

Müğənni Afət Fərmanqızı bloqer Sevinc Hüseynovanı məhkəməyə verib. O, Füzuli Rayon Məhkəməsinə xüsusi ittiham qaydasında müraciət edərək, bloqerin sosial şəbəkələrdə onun şərəf və ləyaqətini təhqir etdiyini bildirib. Müğənni, Sevinc Hüseynovanın Cinayət Məcəlləsinin 147-ci (böhtan) və 148-ci (təhqir) maddələri ilə cəzalandırılmasını tələb edir.

Minval.info xəbər verir ki, Afət Fərmanqızı, həmçinin, bloqer barəsində mülki qaydada da iddia qaldırıb. O, məhkəmə prosesi başa çatanadək Sevinc Hüseynovanın onun adını çəkməməsini istəyir.