ABŞ İraqdan 23 il sonra tamamilə çəkildi

İraq hökumətindən yüksək səviyyəli bir rəsmi, ABŞ ordusunun ölkədən tamamilə çəkildiyini açıqlayıb. Alman Xəbər Agentliyinə (dpa) müsahibə verən bu rəsmi, bütün ABŞ döyüş birlikləri və logistik dəstək qüvvələrinin İraqdan ayrıldığını bildirib.

Vaşinqtonun mövqeyi gözlənilir

Minval.info xəbər verir ki, İraq hökumətinin bu açıqlamasından sonra diqqətlər Vaşinqtondadır. ABŞ rəhbərliyi, 28 sentyabr tarixinə qədər çəkilmə əməliyyatının rəsmi olaraq tamamlandığını hələ təsdiqləməyib.

İraq ilə ABŞ arasında 2024-cü ildə Amerika əsgərlərinin ölkədən çəkilməsi ilə bağlı razılaşma əldə olunmuşdu. Pentagonun məlumatına görə, son illərdə İraqda təxminən 2 min 500 ABŞ əsgəri yerləşdirilmişdi.

ƏLAQƏLİ

Bunu da oxu

Oleşki şəhərində acınacaqlı vəziyyət: Rusiya yardım yollarını bağlayır

28.09.2026 - 19:41

Çəkilməzdən əvvəl ABŞ qüvvələri Erbildə, Bağdad Hava Limanı yaxınlığındakı bir bazada və paytaxtdakı Yaşıl Zona kimi tanınan ərazidə yerləşirdi.