Kiçik oğurluq hadisəsi ABŞ vətəndaşına çox baha başa gəlib. O, 50 dollara görə ömrünün 36 ilini həbsxanada keçirib.
Bizimyol.info xəbər verir ki, Alabama ştatında yaşayan Elvin Kennard bir səhvə görə böyük cəzaya layiq bilinib. Amerikalı 50 dollar oğurladığına görə ömürlük həbs cəzası alıb.
Elvin ilk dəfə 1979-cu ildə cinayət törədib. Ona iki oğurluğa görə şərti cəza veriblər. Ştat qanunvericiliyinə görə, üçüncü cinayət bağışlanmaz sayılır. Dörd il sonra Kennard üçüncü cəhdində 50 dollar oğurlayıb. Beləcə, ömürlük cəzaya məhkum olunub.
Hakim Cefferson bu il onun işinə bir daha göz yetirib və 58 yaşlı kişini azadlığa buraxmaq qərarına gəlib. Kennard bu xəbərdən çox sevinib və ona daha bir şans verənlərin peşman olmayacağını söyləyib. Sənədlər hazırlanır, Elvin yaxın günlərdə azadlığa qovuşacaq.
Nevada ştatında buna bənzər başqa hadisə baş vermişdi. Amerikalı qadın günahsız 35 il həbsxanada keçirib. Ona 3 milyon dollar kompensasiya veriləcək.
