2019-cu ilin ən populyar görməli yerləri açıqlandı

2019-cu ilin ən populyar görməli yerləri açıqlanıb. Onlar bu yerlərə səyahət etmək üçün bron edilən biletlər barədə məlumatların nəticələrinə əsasən müəyyən edilib. “Qafqazinfo” bildirir ki, bu barədə “RİA Novosti” yazıb.

Birinci yerdə Kolizey amfiteatrı qərarlaşıb. Qladiator arenasında ekskursiya İtaliyaya səfər edən turistlərin proqramının əsas hissəsidir. Luvr ikinci olub. Parisin bu muzeyində Leonardo da Vinçinin “Mona Liza”sı, eləcə də digər mışhur əsərlər və müxtəlif əsrlərə aid əşya kolleksiyaları sərgilənir. Vatikanın muzeyləri reytinqin üçüncücü, Nyu-Yorkdakı Azadlıq heykəli isə dördüncüsüdür. İlk beşliyi Parisin Eyfel qülləsi tamamlayır.

Həmçinin ilk onluğa Barselonadakı Müqəddəs Ailə kilsəsi, Yeni Orleandakı (ABŞ) fransız kvartalı, Amsterdamda Anna Frankın evi, ABŞ-dakı “Skydeck Chicago” görüntü meydançası və Venetsiyanın San-Marko meydanı daxil olublar.