Yunan balıqçılar Selanik Limanı'nı bağladı: Dəstək tələb edirlər
Yunanıstanda onlarca balıqçı qayığı Selanik Limanı’nın girişinə toplaşıb. Balıqçılar, əllərində məşəllərlə və korna çalaraq sektorda yaşanan problemlərə diqqət çəkmək üçün limanın girişini müvəqqəti bağlayıblar.
Minval.info xəbər verir ki, balıqçıların sözçüsü Dimitris Çipuras, hökumətin problemlərinə həll tapana qədər etirazlarının gələcək günlərdə də davam edəcəyini bildirib. Balıqçılar, yanacaq qiymətlərinin artması səbəbindən dövlət dəstəyi tələb edirlər.
Balıqçılar, həmçinin, yunusların sayının artması nəticəsində torlarında və digər avadanlıqlarında yaranan zərərlərə və planktonların balıqçılığa verdiyi ziyana diqqət çəkərək dəstək istəyirlər.
Ötən gün də artan yanacaq xərcləri və sektorda yaşanan iqtisadi problemlər səbəbindən balıqçılar iş buraxma aksiyası keçiriblər. Bu çərçivədə, Afina yaxınlığındakı Keratsini Balıq Halında da onlarca balıqçı işlətmədikləri qayıqlarının önündə toplaşaraq sektorun yaşadığı problemləri gündəmə gətirmişdi.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
İspaniyada mənzil böhranı erkən seçkilərə səbəb ola bilər
İspaniyada on minlərlə insan mənzil böhranına etiraz edir
Macarıstanın keçmiş baş nazirinə cinayət ittihamı irəli sürülə bilər
Abşeronda meteoroloji şərait meteohəssaslar üçün əlverişli olacaq
İspaniyada əmlak böhranı səbəbindən kütləvi etirazlar keçirilir
Yunanıstan öz xəzinələrini "borc" almayacaq: Mitsotakisin açıqlaması
