Baş məşqçi Ronaldoya barışıq təklifi irəli sürüb

Portuqaliya milli komandası ilə hücumçu Kriştiano Ronaldo arasında yaranan gərginliyin aradan qaldırılması üçün yeni addım atılıb. Milli komandanın baş məşqçisi Jorje Jezuş, Portuqaliya Futbol Federasiyasının (FPF) Ronaldo ilə barışıq görüşü keçirmək təklifini qəbul edib.

Minval.info xəbər verir ki, bu barədə “A Bola” nəşri məlumat yayıb. Federasiya, milli komanda və 41 yaşlı ulduz futbolçu arasında kəskin ayrılığın qarşısını almaq məqsədilə əlaqələri davam etdirir. Planlaşdırılan görüşün neytral ərazidə keçirilməsi gözlənilir.

Hazırda Ronaldo Federasiyanın bu təklifinə cavab verməyib. Daha əvvəl KİV-də yayılan xəbərlərə görə, Ronaldo və məşqçi arasında Millətlər Liqasının Norveçlə matçına buraxılmaması səbəbindən münaqişə yaranmışdı. O zaman federasiya təcili danışıqlar apararaq problemi həll etməyə çalışmışdı. Lakin Danimarka ilə oyundan öncə keçirilən mətbuat konfransında baş məşqçi Ronaldonun həmin matçı da buraxa biləcəyini açıqlamışdı.