Yeni Ələt dəmir yolu stansiyasında vaqonlardan oğurluq edilib

“Azərbaycan Dəmir Yolları” Qapalı Səhmdar Cəmiyyətinin Yeni Ələt dəmir yolu stansiyasında parklanmış vaqonlardan oğurluq edilib.

Bu barədə “Minval.info”a Daxili İşlər Nazirliyinin (DİN) Mətbuat xidmətindən məlumat verilib.

ƏLAQƏLİ

Bunu da oxu

Hövsanda zibil böhranı: Sakinlər antisanitar şəraitdən gileylənirlər – FOTOLAR / VİDEO

13.08.2026 - 12:11

Naməlun şəxslər vaqonların alt hissəsində quraşdırılan hava ötürücü və elektrik xətlərinin keçdiyi boruları kəsərək oğurlayıb.

Hadisə barədə məlumat daxil olan kimi Dəmiryolu Nəqliyyatında Polis İdarəsinin Biləcəri Xətt Polis Şöbəsinin əməkdaşları tərəfindən hadisəni törədən şəxslərin axtarışlarına başlanılıb. Həyata keçirilən təxirəsalınmaz əməliyyat zamanı qeyd edilən oğurluq hadisəsini törətməkdə şübhəli bilinən Ələt qəsəbəsi sakinləri Asim Süleymanov və onun qohumu İlqar Hüseynov saxlanılıblar.

Onların idarə etdikləri avtomobilə baxış zamanı vaqonlardan oğurladıqları metal parçalar və hadisə zamanı istifadə etdikləri kəsici alətlər aşkar olunaraq götürülüb.

ƏLAQƏLİ

Bunu da oxu

Bakıda və bölgələrdə yaşıllıqlara ciddi ziyan vurulub

31.07.2026 - 20:52

Hər iki şəxs ifadəsində Yeni Ələt dəmir yolu stansiyasında parkalanmış vaqonlardan oğurluq etdiklərini etiraf ediblər.

Faktla bağlı Dəmiryolu Nəqliyyatında Polis İdarəsinin İstintaq Şöbəsində araşdırmalar aparılır.

Saxlanılan şəxslərin ətrafında əməliyyat-istintaq tədbirləri davam etdirilir.

ƏLAQƏLİ

Bunu da oxu

70-ci maddənin “ç” bəndi: Cəza, yoxsa ömürlük məhdudiyyət?

31.07.2026 - 12:22