WSJ: Tramp Netanyahu ilə görüşmək istəmir

ABŞ ilə İsrail arasında yüksək səviyyəli münasibətlərdə gərginliyin yarandığı iddia olunur.

Minval.info xəbər verir ki, bu barədə The Wall Street Journal ABŞ administrasiyasındakı mənbəyə istinadən məlumat yayıb.

Nəşrin iddiasına görə, ABŞ Prezidenti Donald Trump İsrailin Baş naziri Benjamin Netanyahu ilə şəxsi görüşlərdən qəsdən yayınır. Bildirilir ki, Tramp hökumət başçısından narazıdır və yaxın ətrafına onunla nə danışmaq, nə də görüşmək istəmədiyini söyləyib.

Məlumatda həmçinin qeyd olunur ki, Netanyahu gələn həftə senator Qremin dəfn mərasimində iştirak etmək üçün ABŞ-a səfər etməyi planlaşdırır. Lakin Ağ Evin iddia olunan mövqeyi fonunda bu səfərin hələlik rəsmi şəkildə təsdiqlənmədiyi bildirilir.

Ağ Ev və İsrail hökuməti sözügedən iddialarla bağlı hələlik rəsmi açıqlama verməyib.