Uqanda futbolunun ulduzu devid ovorinin faciəvi sonu: Silahlı hücumun təfərrüatları ortaya çıxır

Uqandanın paytaxtı Kampala şəhərində tanınmış futbolçu Devid Ovori silahlı hücum nəticəsində həyatını itirib. “Villa” futbol klubunun kapitanı olan Ovori, avqustun 4-ü axşam saatlarında Makindaye rayonunda, evinin yaxınlığında naməlum şəxslərin hücumuna məruz qalıb.

Minval.info xəbər verir ki, 27 yaşlı futbolçu ağır yaralanaraq xəstəxanaya çatdırılıb. Həkimlərin bütün səylərinə baxmayaraq, Ovori ertəsi gün səhər saatlarında vəfat edib.

Devid Ovori, Uqanda futbolunun aparıcı oyunçularından biri kimi tanınırdı. Müdafiəçi və yarımmüdafiəçi mövqelərində çıxış edən Ovori, 2024-cü ildə “Villa” klubunun Uqanda çempionu olmasında mühüm rol oynamışdı. Bu çempionluq, klubun son 20 ildə qazandığı ilk titul idi.

Qaqik çarukyanın başı dərdə: 2,5 milyon dollar və çirkli pullar ittihamı

ƏLAQƏLİ

Bunu da oxu

Qaqik çarukyanın başı dərdə: 2,5 milyon dollar və çirkli pullar ittihamı

06.08.2026 - 19:11

2026-cı ilin may ayında Ovori, Uqanda Kubokunun ən yaxşı müdafiəçisi seçilmişdi. O, həmçinin İspaniyanın “Velez” və İsveçin “Utsiktens” klublarında da çıxış etmişdi.

Ovori “Villa”nın heyətində son oyununu faciədən cəmi üç gün əvvəl, avqustun 1-də keçirmişdi. Yerli mətbuatın yazdığına görə, hücumun küçə quldurluğu və ya cinayətkar qruplar arasındakı qarşıdurma ilə əlaqəli ola biləcəyi ehtimal edilir. Lakin hadisənin dəqiq motivi hələ müəyyən edilməyib.

Kampala polisi hadisə ilə bağlı araşdırmalara başlayıb.